Das bi ig

Fötelä us Liidäschaft

Momänte vergöh so schnäu – mit Föteli chaschsä aber für immer feschthaute.

 

Als Mami vo zwe Buebe gseh ig täglich, wi schnäu d Ziit ume isch und wie wertvoll Erinnerige si, woni i Föteli cha feschthaute.

 

Vor öppe 10 Jahr hani nebedäm, dass ig Coiffeuse bi, mini Liebi zum Fötelä entdeckt. Aagfange hani mit Landschaftä und Blüemli. D Hochzit vo minere Schwoscht het mi de zur Hochzit- und Paarfotografie bracht – u genau da hani mis Herz verlore.

 

Am liebschte hauteni ächti, ungstörti Momänt fescht – so, wie sie grad chöme. Lache, Freud, aber au stilli, berührendi Momänt. Äs passiert nid sälte, dass mir hinger dä Kamera sälber es Trändli chunt. Genauso Momänt sis, wo fürs Läbe wertvou si.

 

Mis Ziel isch, Erinnerige z schaffe, wo di zrugg i dä Moment versetzä, wo di zum Schmunzle bringe und wo dis Härz beweged.